Euskadin 90 koronabirus kasu berri atzeman dituzte; horietako bost Araban

Zehazki, Nekane Murga buru duen taldearen azken datuen arabera, Euskadik 90 kasu erregistratu zituen astelehenean (joan den igandean baino 24 positibo gutxiago). Nahiz eta hainbat egunez jarraian Gipuzkoa izan den pandemiak gehien jo duen lurraldea, astelehenean lurralde horrek atseden pixka bat hartu zuen.Izan ere, asteburuan 92 kasu inguru erregistratu ziren bertan eta, astelehenean, aldiz, 20 kasutara jaitsi ziren. Kopuru handia dirudien arren, emandako beherakada nahiko esanguratsua izan da. Bizkaian, ordea, ez dute zorte bera izan, eta herenegun erregistratutako kasu gehienak lurralde horretan gertatu dira; zehazki 63 kasu berri atzeman dituzte azken orduetan Nekane Murga Eusko Jaurlaritzako Osasun sailburuak azaldu duenez. Araban, bost kasu horiek Gasteizen (3) eta Laudion (2) banatu dira. Bizkaian, aldiz, kasuak hainbat udalerritan zabaltzen ari dira. Abadiño (3), Barakaldo (4), Bermeo (4), Bilbo (21) eta Ermua (13) dira astelehenean koronabirusak jo dituen herrietako batzuk. Gipuzkoan, Deban (3) eta Eibarren (10) daude kutsatze gehienak. Beste bi kasu atzeman dituzte Euskaditik kanpo bizi diren biztanleetan.

EAEko erietxeen egoerari dagokionez, azken orduetan ospitaleratzeek gora egin dute: izurriteak zuzenean eragindako osasun arazoak dituzten beste lau pertsona ospitaleratu dituzte astelehenan. Zainketa Intentsiboetako Unitateetan covida duten bi paziente artatzen dituzte.

Eta koronabirusa egunez egun lurraldez aldatzen bada, kutsatutakoen profila da mantentzen dena. Alabaina, Euskadin positibo gehienak 10 eta 29 urte bitarteko gazteen artean gertatzen dira oraindik ere (41 kasu). Jaioberriei eta 0-9 urte bitarteko umeei ere eragin die (3 kasu), eta 30-49 urtekoei, berriz, 25 laguni. 50 eta 59 urte bitartekoen artean 12 pertsona kutsatu dira; 60-69 eta sei pertsona artean eta 70 urtetiek aurrera, hiru lagun kutsatu dira.

Datu horiek erakusten dute, alde batetik, gazteen artean kutsatzeko joera dagoela. Baina, beste alde batetik, adineko pertsonen kasuen gorakada ere islatzen du, nahiz eta igoera txikia izan den eta, oraingoz behintzat, puntuala. Jarduneko Osasun zinegotziak azaldu duenez, kutsatutako gazte asko sintomarik gabekoak dira, eta, horregatik, askotan ez dira ohartzen birusa dutela ere. Hala ere, “garrantzitsua da” kasu guztiak kontrolatzea, larrietatik hasi eta sintomarik gabekoetaraino, kutsatuak berrogeialdian jarri ahal izateko.

Horregatik, sintomarik gabeko gazteek adinekoak kutsa ez ditzaten, Osakidetzak screening kanpainan jarraitzen du, PCR proben bidez, batez ere berragerraldiek eragindako herrietan. Hala, joan den astelehenean 3.682 PCR egin ziren covid-19a detektatzeko. Gainera, Osasunak test azkarrak ere egiten dizkie herritarrei. Proba honek hartutako inmunitatea edo pertsona batek sortutako antigorputzak neurtzen ditu.

Bestalde, Ro indizeak maila kezkagarrian jarraitzen du Eusko Jaurlaritzarentzat. Indize hau birusaren hedapen ahalmena neurtzeko erabiltzen da. Astelehenean 2,13an kokatu zen. Deseskaladaren etapan, Osasun Ministerioak aztertzen zuen irizpideetako bat fasetik igaro nahi zuten autonomia-erkidegoek kutsatzeen 1. maila ez gainditzea zen. Hala ere, egunek aurrera egin ahala eta berragertze etengabeek irizpidea aldatu behar izan dute: uztaila osoan zehar berragertze etengabeen ondorioz, Euskadi maila horretatik gora dago, joan den astelehenean bikoitzarekin.

Datu orokorrak. Koronabirusaren pandemiak gora egiten jarraitzen du Araban, Gipuzkoan eta Bizkaian. Azken orduetan, Eusko Jaurlaritzako Osasun Sailak 90 kasu berri zenbatu ditu. Positibo berri horiek jaitsi egin dira aurreko jardunaldiarekin alderatuta: igandean 114 pertsonak positibo eman zuten PCR proban. Horietatik bost Araban izan dira, joan den igandean baino kasu bat gutxiago. Bizkaian gorakada handia izan da kasuei dagokienez, eta 65 positibo berri erregistratu dira. Bitartean, Gipuzkoak lasaiago hartu du arnasa, kasuak nabarmen murriztu baitira (20 kutsatze).

Adina. Eusko Jaurlaritzaren datuen arabera, kutsatutakoen adina baxua da oraindik. Berragertze berri hauetan, koronabirusa hedatzen ari da, batez ere, 10 eta 29 urte bitarteko gazteen artean. Hala ere, 49 urte arteko gazte helduak ere kutsatu dira, eta 70 urtetik aurrera, behera egiten ari da kutsatutako pertsonen kopurua. Osasun sailburuak segurtasun neurriak errespetatzeko beharra azpimarratu du adinekoei ez kutsatzeko.

4

Joan den astelehenean ospitaleratzeak areagotu egin ziren euskal erietxeetan. Nekane Murga Eusko Jaurlaritzako Osasun sailburuak jakinarazi duenez, lau pertsona ospitaleratu behar izan dituzte euren gaixotasuna tratatzeko. Gainera, beste bi gaixok Zainketa intentsiboetako unitateetan jarraitzen dute.

Lurraldeka