- Arabako PPk birusaren kudeaketa hobetzeko plan bat aurkeztu zuen atzo koronabirusen, kasuek gora egingo balute plan “hobeago” bat izateko. “Kezkatuta gaude Foru Gobernuaren ekimen faltagatik eta adinekoen egoitzetan kolapso berri bat ekidin nahi dugu”, helarazi zuen Ana Morales Arabako Popularrak batzarkide taldeko bozeramaileak.
Bere azalpenetan, Covid-19 pandemiaren aurka jotzeko prebentzio-neurrien eta protokolo espezifikoen sorta bat proposatu da, sare publikoko eta pribatuko plantillen unean uneko indartze-sistemak prestatuz, baita adinekoen eta desgaitasunen bat dutenen egoitzei eta etxez etxeko laguntza-zerbitzuari babes indibidualeko ekipoak, sendagaiak, infrarbegi digitalak eta bestelako elementuak hornitzen zaizkiela bermatzeko stock nahikoa ere. Era berean, PPk Diputazioari eskatu dio 15 eguneko epean hobekuntza-plan hori egin ahal izan dezala, eta, Eusko Jaurlaritzarekin batera, diziplina arteko talde soziosanitarioak indartu ditzala, “batera eta koordinatuta”, baliabide soziosanitarioak behar dituzten pertsonei eragiten dieten “alderdi fisiko, psikiko, intelektual, sozial eta ekonomiko guztiak baldintza onenetan landu ditzaten”.
