Hirian ekonomia zirkularra bultzatzeko helburuarekin, gaur reutiliza gune berri bat zabaldu dute hirian, Gasteizko Udalaren eskutik.
Hala, eta ildo berretik, gaur gune berri horren aurkezpena egin dute horren sortzaileek.
Eta bertan azaldu duten bezala, Gasteizek hirian ekonomia zirkularra bultzatzeko gune berria izango du, sortutako hondakinak gutxitzea eta artikuluak berrerabiltzea sustatuz. Udalak gaur goizean inauguratu du Reutilizagune berria Benito Ginea kaleko seigarren zenbakian.
Gune berriak Artapadura kalean zegoena ordezkatuko du eta, aurrekoarekin alderatuta, erabat berritutako irudia eta filosofia izango ditu.
Lokal berriak itxura modernoa eta minimalista du eta "erabiltzen ez ditugun objektuen ikuspegi berria bultzatzea du xede, berrerabil daitezkeen artikulu gisa erakutsita eta erabilera berri bat eman diezaieketen beste pertsona batzuen eskuetan askoz ere bizitza gehiago izan ditzatela ikusaraziz", azaldu dute. Horrek guztiak Reutilizagune “dagoeneko erabiltzen ez duguna gainetik kentzeko” tokiaz harago doan kontzeptua gainditzera eta garatzera eramango gaitu.
“Lokal horren helburua izango da ekonomia zirkularraren arloan erakusgarri eta erreferente bihurtzea, beste pertsona batzuek erosteko aukera izateaz gain, haien bizitza erabilgarria luzatu ahal izateko konpondu egin ahalko diren erabilitako objektuei balio berri bat emanez”, azpimarratu du gasteizko alkate den Gorka Urtaranek.
Eskuragarri dauden objektuen katalogo osoa egongo da kontsultagai Benito Ginea kaleko 6. zenbakiko instalazioetan eta Udalaren webgunean edo zuzenean www.reutilizagune.com webgunean.
