Osakidetzako Zuzendaritza Nagusiak eta euskal osasun zerbitzu publikoan ordezkaritza duten sindikatuek ezohiko mahai sektoriala egin dute aste honen amaieran, eta hauteskunde sindikalak azaroaren 28an egitea adostu dute.
Hauteskunde sindikalak azaroaren 28an egitea adostu dute
Bilera Osakidetzako Zuzendaritza Nagusiaren egoitzan egin da, Gasteizen, hurrengo hauteskunde sindikalak zein baldintzatan egingo diren adosteko, euskal osasun zerbitzu publikoko iturriek prentsa ohar bidez jakinarazi dutenez.
Hauteskunde kanpaina urriaren 19tik azaroaren 25era bitarte egingo da, eta posta bidezko botoa eskatzeko azken eguna azaroaren 22a izango da
Bada, lortutako akordioen artean egutegiarena dago, eta bozkatzeko data azaroaren 28an ezarri du. Hauteskunde kanpaina urriaren 19tik azaroaren 25era bitarte egingo da, eta posta bidezko botoa eskatzeko azken eguna azaroaren 22a izango da.
Hauteskundeen inguruko beste alderdi batzuk ere adostu dira bileran, hala nola hauteskunde eremuak lurraldez lurralde, bozketa ordutegiak
Hauteskundeen inguruko beste alderdi batzuk ere adostu dira bileran, hala nola hauteskunde eremuak lurraldez lurralde, bozketa ordutegiak, boto txartelen ezaugarriak eta parte hartzaileen eskubideak eta baimenak.
Akordioak "garrantzi berezia" du, duela hamarkada batetik ez baita hauteskunde sindikalik egiten erakundean
Osakidetzaren arabera, akordioak "garrantzi berezia" du, duela hamarkada batetik ez baita hauteskunde sindikalik egiten erakundean; zehazki, 2013tik Euskal Autonomia Erkidegoan, eta 2014tik Gipuzkoan.
