Euskalmet euskal meteorologia agentziaren iragarpenaren arabera, igandean, uztailaren 14an, hodei dezente eta tenperatura maximoak nabarmen igoko dira. Goizean zerua hodeitsu agertuko da, eta behe-hodeiak nagusituko dira, bereziki ekialdean eta batez ere Nafarroan. Orduek aurrera egin ahala, hodeitza zertxobait arinduz joango da, baina erdi mailako hodeiak eta goi-hodeiak iritsiko dira.
Hodei dezente eta tenperatura maximoak nabarmen igoko dira, Euskalmeten arabera
Goizean haizea ahul eta aldakor ibiliko da, hego ukitu txiki batekin, batez ere ekialdeko mendi gainetan eta arratsaldean iparraldetik finkatuko da. Tenperatura maximoak 25-30 gradu artean kokatuko dira; Nafarroa hegoaldean zertxobait altuagoak izan litezke, eta kostaldean balio suabeagoak neurtuko dira. Hiriburuetan, Baionan 17 gradu espero dira gutxienez eta 26 gehienez, Bilbon 17 gutxienez eta 27 gehienez, Donostian 15 gutxienez eta 26 gehienez, Gasteizen 12 gutxienez eta 30 gehienez, eta Iruñean 17 gutxienez eta 32 gehienez.
Itsasoan norabide aldakorreko haizea ibiliko da 2ko indarrarekin, hego-mendebaldekoa nagusituz, goizean mendebal/ipar-mendebaldetik finkatuko da 2-3koarekin, eta arratsaldean ipar-osagaira aldatuko da; itsaso kizkurra eragingo du, itsaskirriko guneekin. Ipar-mendebaldeko hondoko itsasoak metro erdi inguruko olatuak altxatuko ditu. Itsasgorak 11:19an eta 23:37an izango dira, eta itsasbehereak 05:07an eta 17:23an. Uraren tenperatura 21 gradukoa da eta ikuspena hamar kilometrotik gorakoa izango da.
